Bodi ya Ligi Kuu Tanzania (TPLB), imeupangia tarehe mchezo wetu wa Ligi Kuu ya NBC dhidi ya Simba SC maarufu kama Kariakoo Derby.

Mchezo huo ambao haukupangiwa tarehe kwenye ratiba iliyofanyiwa maboresho na kutangazwa Februari 2024, sasa utachezwa kwenye Uwanja wa Benjamin Mkapa, Aprili 20, 2024 kuanzia saa 11:00 jioni.

Katika mchezo wa mzunguko wa kwanza uliochezwa Novemba 5, 2023 ambapo tulikuwa wageni, tuliibuka na ushindi wa magoli 5-1, yaliyofungwa na Kennedy Musonda, Aziz Ki, Pacome Zouzoua na Maxi Nzengeli aliyefunga mawili.

Kutoka leo mpaka siku ya mchezo huo, ni takribani siku 13 zimesalia kwenda kuonesha ubora wetu kama ilivyokuwa mchezo wa mzunguko wa kwanza.