Kikosi chetu, leo kimepoteza mchezo wa kwanza wa Ligi Kuu ya NBC dhidi ya Ihefu kwa kufungwa magoli 2-1.

Mchezo huo uliochezwa Uwanja wa Highland Estates, Mbarali, Mbeya, kiungo wetu, Pacome Zouzoua alianza kufunga goli mapema dakika ya 3. Wapinzani walipata goli dakika ya 40 na 67.

Licha ya kupoteza mchezo huo, lakini vijana wetu walipambana kadiri ya uwezo wao.

Baada ya mchezo huo wa leo, kikosi chetu Jumamosi ya Oktoba 7, 2023, kitakuwa jijini Mwanza kucheza dhidi ya Geita Gold katika muendelezo wa Ligi Kuu ya NBC, mechi ikichezwa Uwanja wa CCM Kirumba.